වර්ෂ 1978 අංක 16 දරන විශ්වවිද්‍යාලයීය පනතේ 21 වන ජේදයට යටත්ව උතුරුමැද පළාතේ අනුරාධපුර දිස්ත්‍රික්කයේ ඓතිහාසික ම්හින්තල පුදබිමට ආසන්නව වර්ෂ 1996 ක් වූ ජනවාරි මස 31 වන දින ජාතික විශ්වවිද්‍යාලයක් ලෙස ශ්‍රී ලංකා රජරට විශ්ව විද්‍යාලය ස්ථාපිත කරන ලදී . අගනුවරින් කි. මී 210 ක් දුරින් මහනුවර යාපනය A9 මාර්ගයට මායිම්ව පිහිටුවා ඇති විශ්වවිද්‍යාලයීය සංකීරණය අක්කර 150 කට ආසන්න වපසරියක ස්ථාපිත කර ඇත. දර්ශනීය පරිසරයක පිහිටුවා ඇති ශ්‍රී ලංකා රජරට විශ්ව විද්‍යාලය නිදහස් සුවදායි අධ්‍යාපනයට විද්‍යාර්ථයින් ගෙන යන වාසනාවන්ත පින් බිමකි.